Ti knăm anei, K’iăng khua Anôk bruă kƀĭn ala Việt Nam bi mni lehanăn čang hmăng mđĭ hĭn hdră bi hgŭm hlăm lu mta bruă hŏng Hungary, jing ƀĭng hgŭm kluôm tal êlâo ară anei mơ̆ng Việt Nam ti krĭng krah lehanăn Ngŏ Ơrôp.

K’iăng khua anôk bruă kƀĭn ala čang hmăng dua tĭng mđĭ hĭn hdră bi trông gưl dlông mơ̆ng Đảng, Knŭk kna, Anôk bruă kƀĭn ala lehanăn bi mjĕ mjuk mnuih ƀuôn sang kñăm bi kjăp lehanăn mđĭ hĭn klei đăo knang hlăm bruă kđi čar lehanăn thâo săng hdơ̆ng găp, mjing tur knơ̆ng bi hgŭm dua nah hlăm djăp mta ra bruă. Khua Anôk bruă kƀĭn ala Hungary mñă, Việt Nam jing ƀĭng hgŭm yuôm bhăn, mrô sa mơ̆ng Hungary ti krĭng Ngŏ Dhŭng Asi, Anôk bruă kƀĭn ala Hungary srăng gĭr jing sa anôk bi hgŭm yuôm bhăn mơ̆ng dua ala čar./.