VOV4.Êđê- Aguah hruê 5/7, ti sang bruă kƀĭn ala, K’iăng khua anôk bruă kƀĭn ala Trần Thanh Mẫn drông leh êpul mă bruă mơ̆ng Êpul hgŭm bi ala alŭ wăl Indonesia (Thượng viện) mâo aduôn Sylviana Murin – Khua dhar bruă bi hgŭm Nghị viện ngă khua êpul dôk mâo gưl čhưn, mă bruă ti Việt Nam. K’iăng khua anôk bruă kƀĭn ala Trần Thanh Mẫn bi mni kơ gưl hiu čhưn, mă bruă mơ̆ng aduôn Sylviana Murin lehanăn êpul mă bruă, mñă klă Việt Nam mpŭ lehanăn čang hmăng mđĭ hĭn klei bi mjĕ jăk siam mơ̆ng đưm lehanăn Bi hgŭm phŭn hŏng Indonesia. Thŭn 2023 jing thŭn kruăk knăl 10 thŭn hruê mkŏ mjing Klei bi mjĕ ƀĭng hgŭm kluôm. Kyua anăn, hlăm wưng ti anăp, dua tĭng brei bi hgŭm kjăp hĭn čiăng ba klei bi mjĕ truh ti hnơ̆ng mrâo, boh nik bi hgŭm hlăm anôk bruă nghị viện čiăng năng hŏng Klei bi mjĕ ƀĭng hgŭm phŭn mơ̆ng dua ala čar./.

                                                    Pô mblang: H’Nêč Êñuôl