VOV4.Êđê - Hlăm ai êwa hơ̆k m’ak hruê akŏ yan mnga, tlam hruê 7/2, nao čhưn, h’êč hmưi Têt lehanăn mă bruă ti Dhar bruă Djuê ana, Khua hlăm Phŭn bruă kđi čar, K’iăng khua anôk bruă kƀĭn ala Trần Thanh Mẫn mtă hlăm wưng ti anăp, Dhar bruă brei čih mkra Hdră bhiăn kơ bruă djuê ana kñăm mkra mlih kluôm dhuôm, djăp ênŭm hdră mtrŭn djuê ana. K’iăng khua anôk bruă kƀĭn ala Trần Thanh Mẫn lač. dlăng kluôm hlăm ala čar, klei hdĭp mnuih ƀuôn sang djuê ƀiă ăt dôk dleh dlan. Mtă hlăm wưng ti anăp, Dhar bruă djuê ana mđing ruh mghaih klei dleh dlan kơ klei bhiăn, hdră mtrŭn; hluê ngă hdră ksiêm dlăng bruă hluê ngă Hdră mtrŭn mơ̆ng anôk bruă kƀĭn ala, knŭk kna hŏng mta kñăm jing mnuih ƀuôn sang klă sĭt dưi dưn dŭm klei tŭ dưi mơ̆ng hdră bruă mbĭt anăn mđĭ lar klei găl mâo mơ̆ng krĭng lehanăn ai tiê čŏng pô gĭr ktưn kpưn đĭ mơ̆ng mnuih ƀuôn sang djuê ana ƀiă čiăng đĭ kyar pral, h’ĭt kjăp ti krĭng mnuih ƀuôn sang djuê ana ƀiă lehanăn krĭng čư̆ čhiăng./.

H’Nêč pô mblang