Ti anôk lông mkŏ mjing knăm bi hdơr, K’iăng khua bruă kƀĭn ala Đỗ Văn Chiến lehanăn phung bi ala lông ngă jih jang hdră, lehanăn ksiêm bi nik mta bruă hlăm knăm bi hdơr. Leh hmư̆ klei blŭ đru kčĕ kơ mta bruă mkŏ mjing mơ̆ng phung bi ala, K’iăng khua bruă kƀĭn ala Đỗ Văn Chiến čih pioh dŭm anôk bruă, êpul êya mđĭ hĭn bruă klam, mâo klei gĭr ngă bi jăk bruă mprăp êmiêt kơ knăm bi hdơr hŏng klei jăk hĭn.

K’iăng khua bruă kƀĭn ala ăt mă mơh klei hriăm tinăn, lehanăn mâo mtam klei kiă kriê hŏng dŭm êpul êya kơ bruă mkŏ mjing, kơ bruă drông tue, jih jang hdră hlăm klei bi hdơr, bruă mprăp bi msiam jih jang, lehanăn bruă răng mgang klei êđăp ênang. Tui si hdră, knăm bi hdơr 80 thŭn hrue mkŏ mjing klei ruah khua tal êlâo bruă kƀĭn ala Việt Nam srăng mkŏ mjing kdrăm k’ah hlăm hrue mgi (6/1/2026) ti sang bi kbĭn Diên Hồng, Anôk bruă kđĭn ala, Sang mđung asăp blŭ Việt Nam srăng hlŏng mđung ti mmông anăn mtam knăm bi hdơr yuôm bhăn anei./.