K’iăng khua bruă kƀĭn ala mâo asăp hơêč hmưi klei suaih pral kơ Khua knơ̆ng kiă kriê klei đăo Ƀuđa gưl dlông Việt Nam. Hơêč hmưi kơ êpul khua kiă kriê, lehanăn jih jang phung đăo drông thŭn mrâo 2024 êđăp ênang, mâo lu klei suaih pral, hmăng hmưi kơ lăn čar êđăp ênang, mnuih ƀuôn sang jăk mơak, grăp boh sang trei mđao, jăk yâo.

  Hòa Thượng Thích Thanh Nhiễu, K’iăng khua knơ̆ng kiă kriê klei đăo Ƀuđa gưl dlông Việt Nam mâo klei lač jăk kơ êpul khua kiă kriê bruă kƀĭn ala Việt Nam. Lehanăn brei thâo, Êpul khua kiă kriê klei đăo Ƀuđa Việt Nam srăng lŏ dơ̆ng ngă jăk hĭn jih jang bruă klei đăo hlăm thŭn 2024, mđrăm mbĭt hŏng djuê ana ba wĭt klei tŭ dưn, đru mtrŭt mjhar jih jang phung đăo hlue gưt jăk hdră êlan mơ̆ng Đảng, knŭk kna, mâo nanao ai tiê thâo bi mguôp, đru bi rŭ mdơ̆ng yang ƀuôn jăk siam, êđăp ênang, đĭ kyar./.