K’iăng khua bruă kƀĭn ala Nguyễn Đức Hải čang hmăng kơ bruă Đảng bruă sang čư̆ êa, lehanăn mnuih ƀuôn sang čar Quảng Nam lŏ dơ̆ng kriê pioh, mđĭ bi lar klei jăk siam mơ̆ng alŭ wăl bi hdơr kơ khua gĭt gai Võ Chí Công čiăng kơ klă sĭt anôk anei jing anôk mjuăt bi hriăm hrah kơ knhuah gru  cách mạng lehanăn ai tiê thâo khăp kơ lăn čar mơ̆ng dŭm gưl mnuih ti Việt Nam.

Ƀri drông thŭn bhang mrâo, k’iăng khua bruă kƀĭn ala Nguyễn Đức Hải tmđup brei leh 20 hnư mnơ̆ng Tết kơ 20 gŏ êsei dleh dlan ti să Tam Xuân 1, kdriêk Núi Thành, čar Quảng Nam. K’iăng khua bruă kƀĭn ala čang hmăng dŭm gŏ êsei mâo klei thâo gĭr hĭn, jih ja tiê ngă bruă knuă, đru mđrăm mbĭt hlăm bruă mđĭ kyar čar Quảng Nam.