K’iăng khua bruă kƀĭn ala čang hmăng mnuih ƀuôn sang krĭng knông lăn mđĭ lar hĭn ai tiê hgŭm mguôp, thâo bi đru hlăm hdră mđĭ kyar bruă duh mkra, răng mgang dliê lehanăn gĭr ktưn kơ mdrŏng mơ̆ng dliê. Krĭng ƀuôn sang dôk A Liêng, să Tà Bhing mâo 207 gŏ sang hŏng 810 čô mnuih dŭm djuê ana Ve, Jeh Triêng, Khơ Mú, Yuăn… djuê ana Ktu mâo 80% ênoh mnuih.

Thŭn 2023, klei hdĭp mnuih ƀuôn sang đĭ kyar, klei bi hgŭm mguôp hlăm ƀuôn sang h’ĭt kjăp, thâo bi đru hlăm hdră duh mkra, rông mnơ̆ng. Dŭm gru hmô “Gŏ sang kriăng hriăm hră” dưi mđĭ lar. Ƀri gưl anei, Khua bruă kƀĭn ala jao leh 10 boh sang bi hgŭm mguôp kơ dŭm gŏ sang ƀun, dleh dlan ti să Tà Bhing, kdriêk Nam Giang, mâo ênoh 60 êklăk prăk, mđup brei lu hnư mnơ̆ng kơ phung hđeh, mnuih ƀun, mnuih mâo k’hưm lehanăn gŏ sang knŭk kna dlăng ba ti să Tà Bhing.