Êpul kahan 146- êpul Trường Sa, jing anôk bruă hlăm krĭng 4 kahan êa mâo bruă klam kriê dlăng, răng mgang plao ksĭ Trường Sa, čar Khánh Hòa. Êpul Trường Sa gĭt gai dŭm anôk bruă mkŏ mjing hdră ngă bruă, ktuê dlăng nanao boh klei hlăm adiê, êa ksĭ, thâo ƀuh ñâo mta kñăm.

Bruă mprăp kơ kahan, mnuih ƀuôn sang hlăm dŭm plao ksĭ drông Tết Nguyên đán Giáp Thìn dưi mkŏ mjing djăp ênŭm hlue si hdră kčah. K’iăng Khua bruă kƀĭn ala mtă kơ khua gĭt gai, knuă druh, êpul kahan 146 brei gĭr ngă bruă pral hlăm klei đru dŏng, đru kơ phung trah mă kan hlăm êa ksĭ, klă sĭt jing anôk knang kjăp kơ mnuih ƀuôn sang ngă bruă hlăm êa ksĭ. Drei kƀĭn mkŏ mjing leh anăn mđĭ kyar kdriêk Trường Sa jing anôk duh mkra phŭn - dhar kreh- ala ƀuôn hlăm êa ksĭ kluôm ala, jing kđông kjăp răng mgang klei dưi čar kwar.”