Blŭ hrăm hlăm klei kƀĭn, k’iăng khua Bruă Kƀĭn Ala Trần Quang Phương mñă ktang, Bruă Kƀĭn Ala bi klă leh hdră mtrŭn kơ bruă mkŏ mjing bruă sang čư êa ƀuôn prŏng leh anăn lông ngă đa đa hdră êlan mđĭ kyar ƀuôn prŏng Đà Nẵng. Hdră mtrŭn anei mâo boh tŭ dưn yuôm bhăn, mkŏ mjing hdră bhiăn čiăng kơ Đà Nẵng bi lar ai ktang, klei găl, klei kdlưn hĭn kơ bruă duh mkra ala ƀuôn, bi klă dŭm klei mĭn, mta knăm hlăm hdră mtrŭn mrô 43 mơ̆ng Phŭn bruă kđi čar kơ bruă mkŏ mjing leh anăn mđĭ kyar ƀuôn prŏng Đà Nẵng truh ti thŭn 2030, tă hdră truh ti thŭn 2045.

K’iăng khua Bruă Kƀĭn Ala Trần Quang Phương mñă klă, bruă hluê ngă hdră mtrŭn hŏng hnơ̆ng kluôm, hlăm lu mta bruă ăt bi mâo lu klei lông dlăng prŏng sơnăk kơ ƀuôn prŏng, boh nik hŏng Êpul gơ̆ng bruă ƀuôn sang ƀuôn prŏng kơ hnơ̆ng tŭ jăk ba mdah hră mtrŭn ăt msĕ mơh bruă mkŏ mkra. Kơ hdră êlan lông mkŏ mjing anôk mnia mnia mblei êngiê ti Đà Nẵng, k’iăng khua Bruă Kƀĭn Ala Trần Quang Phương mñă ktang čiăng ngă hnưm leh anăn ba mdah hdră mtrŭn mrô 43 mñă kơ Êpul gơ̆ng bruă ƀuôn sang, dŭm êpul bruă Êpul gơ̆ng bruă ƀuôn sang srăng nao hgŭm mơ̆ng hnưm.