Nao hlăm klei bi trông mâo phung bi ala mơ̆ng Êpul gơ̆ng bruă ƀuôn sang 10 čar, ƀuôn prŏng ti kwar Krah, Lăn Dap Kngư leh anăn Êpul gơ̆ng bruă ƀuôn sang dŭm kdriêk, wăl krah, ƀuôn prŏng mơ̆ng čar Bình Định. Leh 8 thŭn hlue ngă Hdră bhiăn ngă bruă ktuê dlăng mơ̆ng Bruă kƀĭn ala leh anăn Êpul gơ̆ng bruă ƀuôn sang, bruă ktuê dlăng mơ̆ng Bruă kĭn ala, Êpul gơ̆ng bruă ƀuôn sang dưi mđĭ klei tŭ dưn, mâo lu boh tŭ yuôm bhăn, mâo phung bi ala leh anăn mnuih ƀuôn sang bi mni.

 Hlăm klei bi trông, phung bi ala ăt lač kơ klei kƀah ară anei Hdră bhiăn ngă bruă ktuê dlăng mơ̆ng Bruă kƀĭn ala leha ăn Êpul gơ̆ng bruă ƀuôn sang 2015 leh anăn klei akâo leh anăn kčĕ bi leh boh phŭn hră čih Hdră bhiăn mlih mrâo, mbŏ dŭm mta klei mơ̆ng Hdră čih hdră bhiăn ngă bruă ktuê dlăng mơ̆ng Bruă kƀĭn ala leh anăn Êpul gơ̆ng bruă ƀuôn sang. Blŭ hrăm hlăm klei bi kƀĭn, K’iăng Khua bruă kƀĭn ala Trần Quang Phương brei thâo, Klei bi trông tŭ mă lu klei blŭ jih ai tiê mơ̆ng pô bi ala Êpul gơ̆ng bruă ƀuôn sang dŭm alŭ wăl. K’iăng Khua bruă kƀĭn ala Trần Quang Phương mtă, hlăm klei kčĕ mkra mlih mơ̆ng Hdră bhiăn brei lač kơ klei kƀah; phung, hdră leha năn boh tŭ hdră bhiăn brei djŏ hŏng klei bhiăn.