VOV4.Êđê- Bri wưng bi hdơr 75 thŭn hruê kahan êka –djiê êngiă, hruê mbruê 25/7, êpul ngă bruă mơ̆ng bruă kƀĭn ala mơ̆ng Thượng Tướng Trần Quang Phương, K’iăng khua bruă kƀĭn ala nao čuă dŭm gŏ sang knŭk kna dlăng ba, phung mâo bruă tŭ dưn ti čar Lâm Đồng. Hlăm dŭm anôk nao čuă, K’iăng khua bruă kƀĭn ala Trần Quang Phương mâo leh klei êmuh čuă klei suaih pral, klei hdĭp mda phung khua gĭt gai hđăp, găp djuê phung mâo bruă tŭ dưn leh anăn gŏ sang diñu. Mbĭt anăn bi êdah klei hdơr knga kyua dŭm klei đru mguôp mơ̆ng dŭm gưl aê ama hlăm bruă mkŏ mjing leh anăn răng mgang ala čar.

K’iăng khua bruă kƀĭn ala ăt mâo klei hơêč hmưi kơ phung lĭng kahan, găp djuê lŏ dơ̆ng hdĭp mơak mñai, rơ̆ng klei suaih pral leh anăn bi lar knhuah gru bruă krŭ kdơ̆ng, jing gru mngač kơ phung anak čô.

Êlâo kơ năn Trần Quang Phương leh anăn êpul ngă bruă nao myơr mnga, brui mngưi bi hdơr kơ phung jhŏng ktang djiê êngiă ti msat lĭng kahan djiê êngiă Đà Lạt.

Pô mblang: Y-Ƀel Êban