VOV4.Êđê- Aguah mbruê, Thượng tướng Trần Quang Phương, k’iăng khua bruă kƀĭn ala mâo leh klei nao čuă, hơêč hmưi Tết kơ phung knuă druh, lĭng kahan hlăm dŭm anôk bruă lĭng kahan, phung mă bruă hlăm dŭm anôk bruă tuh tia ti čar Bình Định. Ti kdriêk Tây Sơn, k’iăng khua bruă kƀĭn ala Trần Quang Phương pah mni dŭm klei gĭr mơ̆ng bruă Đảng čar, lĭng kahan leh anăn mnuih ƀuôn sang ti nei dưi mâo hlăm dŭm thŭn êgao.

K’iăng khua bruă kƀĭn ala mtă kơ dŭm alŭ wăl lŏ bi lar hĭn klei bi mguôp, ngă hrăm mbĭt dŭm hdră êlan čiăng mđĭ kyar alŭ wăl, rơ̆ng klei hơĭt hlăm yang ƀuôn. Ƀri wưng anei, k’iăng khua bruă kƀĭn ala Trần Quang Phương mâo leh klei nao čuă, mđĭ ai leh anăn mđup brei 50 hnư mnơ̆ng tết kơ dŭm gŏ sang knŭk kna dlăng ba, gŏ sang ƀun ƀin ti să Bình Thành, kdriêk Tây Sơn, nao čuă leh anăn, hơêč hmưi tết leh anăn mđup brei hnư mnơ̆ng tết kơ 100 čô mnuih mă bruă ti knơ̆ng bruă kčoh mñam Able Việt Nam ti anôk bruă tuh tia Phú Tài, nao čuă leh anăn hơêč hmưi tết kơ Trung đoàn kahan knhăk, phŭn bruă kahan ksiêm.

Pô mblang: Y-Ƀel Êban