Hâo mdah hŏng êpul, phung khua bi ala bruă Đảng čar Sóc Trăng lač, mơ̆ng akŏ wưng thŭn 2021-2025 truh kơ ară anei, čar Sóc Trăng ngă leh lehanăn hlăk dôk ngă lu mta bruă pioh kơ klei mđĭ kyar klei hdĭp mda ala ƀuôn hlăm čar, tĭng hlăm thŭn 2025 srăng dưi ba yua dŭm mta bruă dôk ngă msĕ si, êlan dơ̆ng pral Châu Đốc - Cần Thơ - Sóc Trăng; Dôk mkra êlan dơ̆ng anăp Ngŏ Yŭ, êlan dar mrô I, mrô II... klei đĭ kyar bruă duh mkra kah knar 3 thŭn hlăm wưng thŭn 2021 - 2023 djăp 5,76%/thŭn. Bruă lŏ hma mâo mđĭ kyar kjăp.

Mâo mdiê jăk, braih jăk truh êbeh 90%. Lu bruă rông hdang mâo pŏk mlar. Blŭ hrăm ti anôk ngă bruă, k’iăng khua bruă kƀĭn ala Trần Quang Phương čang hmăng kơ bruă Đảng, bnruă sang čư̆ êa lehanăn mnuih ƀuôn sang čar Sóc Trăng lŏ dơ̆ng hyuă kjăp hĭn klei thâo bi mguôp, mghaih msir jih jang klei dleh dlan, dưi hgao klei lông dlăng, bi leh mta čuăn mơ̆ng klei bi kƀĭn prŏng    Đảng 13 lehanăn klei bi kƀĭn prŏng Đảng čar tal 14./.