K’iăng Khua bruă kƀĭn ala Trần Thanh Mẫn bi tuôm hŏng phung bi ala kơ mnuih ƀuôn sang ti kdriêk Châu Thành A, čar Hậu Giang
Thứ tư, 00:00, 26/04/2023
VOV TAYNGUYEN
VOV TAYNGUYEN
VOV4.Êđê- Aguah 25/4, Khua hlăm Phŭn bruă kđi čar, K’iăng Khua bruă kƀĭn ala Trần Thanh Mẫn hŏng êpul bi ala bruă kƀĭn ala čar Hậu Giang mâo leh mmông bi tuôm hŏng phung bi ala kơ mnuih ƀuôn sang ti kdriêk Châu Thành A, čar Hậu Giang.
Ti anôk bi tuôm, Êpul bi ala bruă kƀĭn ala čar Hậu Giang hưn mdah hdră mĭn tĭng klei bi kƀĭn tal êma, bruă kƀĭn ala gưl XV, boh phŭn wĭt lač klei êmuh, klei akâo mơ̆ng phung bi ala. Blŭ hrăm hlăm anôk bi tuôm, K’iăng Khua bruă kƀĭn ala Trần Thanh Mẫn, bi êdah klei mơak leh Hậu Giang mâo klei đĭ kyar jăk hlăm gưl 1 thŭn anei, hnơ̆ng đĭ kyar bruă duh mkra mâo 12,67% lu hĭn kluôm ala.
Hlăm wưng kơ anăp, K’iăng Khua bruă kƀĭn ala Trần Thanh Mẫn mtă kơ čar Hậu Giang gĭr pŏk ngă Hdră mtrŭn Klei bi kƀĭn XIII mơ̆ng Đảng, Hdră mtrŭn Klei bi kƀĭn bruă Đảng čar Hậu Giang tal 14; brei mđing mtô bi hriăm phung mă bruă čiăng pioh mđĭ kyar alŭ wăl; mkŏ mjing klei kđi čar doh mngač, kjăp ngă djŏ klei čiăng hlăm boh klei mrâo./.
Viết bình luận