Ti anôk bi tuôm, phung bi ala ƀuôn prŏng Ngã Bảy bi êdah klei mơak ti anăp kei tŭ mơ̆ng kluôm ala mâo leh hlăm 6 mlan êgao, mbĭt anăn bi mni kơ boh tŭ klei bi kƀĭn tal anei hŏng dŭm hdră êlan djŏ guôp. Phung bi ala ƀuôn prŏng Ngã Bãy čang hmăng bruă kƀĭn ala leh anăn Knŭk kna lŏ dơ̆ng mđing dlăng dŭm klei bhiăn, hdră êlan čiăng hơĭt ênoh ênil kdrăp mnơ̆ng lŏ hma, mjing klei kjăp ti anôk ba čhĭ kơ mnơ̆ng dhơ̆ng lŏ hma, duah anôk ba čhĭ êlam hĭn kơ dŭm mta mnơ̆ng dhơ̆ng lŏ hma, ñĕ kơ klei dôk jưh kơ dŭm ala čar; mâo dŭm hdră msir iêô jak phung mă bruă, mjing bruă mă kơ phung hđeh leh ruê̆ hriăm gưl prŏng, mâo hdră êlan iêo jak phung mă bruă mdrao mgŭn; lŏ ksiêm dlăng hdră kčah kơ phung knuă druh dưi djă yua lăn lŏ hma…

Gưl anei, K’iăng Khua bruă kƀĭn ala Trần Thanh Mẫn bi ala kơ Êpul bi ala bruă kƀĭn ala čar Hậu Giang mđup brei 20 boh sang hŏng ênoh 1 êklai prăk kơ gŏ êsei ƀun ti ƀuôn prŏng Ngã Bảy, čar Hậu Giang.