VOV4.Êđê- Aguah 11/9, Khua hlăm Phŭn bruă kđi čar, K’iăng khua bruă kƀĭn ala Trần Thanh Mẫn gĭt gai klei bi kƀĭn êpul ktuê dlăng mơ̆ng Bruă kƀĭn ala kơ klei mlih mrâo hdră mtô, hdruôm hră bi hriăm. Klei blŭ bi trông hlăm klei bi kƀĭn mtă, brei mbŏ thiăm hdră hiu ksiêm dlăng klei mĭn mnuih ƀuôn sang, kñăm ksiêm hriăm klei blŭ phung amĭ ama hđeh hŏng bruă hlue ngă Hdră mtrŭn mơ̆ng bruă kƀĭn ala kơ klei mlih mrâo hdră mtô, hdruôm hră hriăm.

Trần Thanh Mẫn lač, klei brei kčah hŏng akŏ ktuê dlăng jing ksiêm dlăng bruă gĭt gai leh anăn pŏk ngă mkŏ mjing hlue ngă Hdră mtrŭn mơ̆ng Knŭk kna, dŭm Phŭn, dhar bruă, Knơ̆ng bruă sang čư̆ êa dŭm čar, ƀuôn prŏng, bi mklă hĭn klei tŭ dưn dưi mâo, dŭm klei gun kpăk, êdu kƀah leh anăn mta phŭn, bruă klam mơ̆ng anôk bruă kriê dlăng knŭk kna, dŭm phŭn, dhar bruă leh anăn alŭ wăl. Mơ̆ng anăn, kčĕ hdră msir, klei akâo bi leh hră mơar hdră bhiăn djŏ tuôm kñăm lŏ dơ̆ng pŏk ngă tŭ dưn hdră mtrŭn kơ klei mlih mrâo hdră mtô, hdruôm hră hriăm hlăm wưng mrâo./.

Pô mblang: H’Zawut Ƀuôn Yă