VOV4.Êđê - Tlam 9-5, Trần Thanh Mẫn, Khua hlăm Phŭn bruă kđi čar, K’iăng Khua bruă kƀĭn ala nao ti Anôk bruă bi ala Cuba ti Hà Nội čang ênuh Ricardo Alarcon de Quesada, Khua hlăm Phŭn bruă kđi čar hđăp, Khua bruă kƀĭn ala hđăp ala čar Cuba (djiê hruê 30/4/2022).

Bi ala kơ Khua gĭt gai Đảng, Knŭk kna, Bruă kƀĭn ala leh anăn mnuih ƀuôn sang Việt Nam, K’iăng Khua bruă kƀĭn ala Trần Thanh Mẫn čih hlăm hră čang ênuh, dưm kwang mnga hdơr kơ Ricardo Alarcon de Quesada; mgei ai tiê, ŭ kyăm kơ Ricardo Alarcon de Quesada djiê hĕ. Ricardo Alarcon de Quesada jing sa čô khua gĭt gai mâo klei khăp jăk snăk hŏng Việt Nam, mâo lu klei đru mguôp jăk hlăm bruă mđĭ kyar leh anăn pŏk mlar klei bi hgŭm ayŏng adei, bi hgŭm yuôm bhăn, hdơ̆ng bi đaŏ knang plah wah Việt Nam hŏng Cuba.          

H’ Zawut pô mblang