K’iăng khua bruă kƀĭn ala Trần Thanh Mẫn nao hlăm knăm bi hdơr 100 thŭn mkŏ mjing leh anăn mđĭ kyar ƀuôn prŏng Nha Trang
Thứ tư, 15:37, 03/04/2024
VOV Tây Nguyên
VOV Tây Nguyên
VOV4.Êđê - Aguah mbruê 02/4, Ti Anôk bi kƀĭn čar Khánh Hoà, bruă Đảng ƀuôn prŏng, Êpul gơ̆ng bruă ƀuôn sang, bruă sang čư êa, dhar bruă mặt trận ƀuôn prŏng Nha Trang mkŏ mjing knăm bi hdơr 100 thŭn mkŏ mjing leh anăn mđĭ kyar ƀuôn prŏng Nha Trang (1924- 2024), 15 thŭn Nha Trang dưi tŭ yap jing wăl krah mrô I čar Khánh Hoà (2009-2024).
K’iăng khua bruă kƀĭn ala Trần Thanh Mẫn mbĭt hŏng phung khua gĭt gai dŭm phŭn, dhar bruă gưl dlông, đa đa čar Dhŭng kwar krah – krĭng Lăn Dăp Kngư, khua gĭt gai čar Khánh Hoà leh anăn 1.000 čô knuă druh, mnuih ƀuôn sang alŭ wăl nao hgŭm.
Hlăm knăm bi hdơr, K’iăng khua bruă kƀĭn ala Trần Thanh Mẫn mđup brei mêđai ngă bruă mrô 3 mơ̆ng Khua lăn čar kơ bruă Đảng, bruă sang čư êa leh anăn mnuih ƀuôn sang ƀuôn prŏng Nha Trang. Blŭ hlăm knăm bi hdơr, k’ăng Khua knŭk kna Trần Hồng Ha mñă kơ ƀuôn prŏng Nha Trang, čar Khánh Hoà nao êlâo hlăm klei mlih mrô, rŭ mjing ƀuôn prŏng thâo mĭn, mkŏ mjing knŭk kna mrô, bi hơĭt wăl duh bi liê mnia mblei, rơ̆ng hơĭt klei hdĭp yang ƀuôn leh anăn răng mgang klei êđăp ênang.
Viết bình luận