VOV4.Êđê- Tlam mbruê, ti sang bruă kƀĭn ala, Dhar bruă hŏng tač êngao bi mguôp hŏng êpul ngă bruă phung bi ala hlăm Dhar bruă gĭt gai bruă kƀĭn ala, adŭ bruă kƀĭn ala, mkŏ mjing klei kƀĭn phung khua êmua bi hgŭm Việt Nam leh anăn Pô bi ala Dhŭng Korea ti Việt Nam mkŏ mjing knăm mđup brei mêđai Quang Hoa mơ̆ng knŭk kna Dhŭng Korea mđup brei kơ Khua ngă bruă êpul bi ala, khua gĭt gai êpul phung khua êmua hgŭm Việt Nam – Dhŭng Korea Trần Văn Túy.

Khua hlăm phŭn bruă kđi čar, k’iăng khua bruă kƀĭn ala Trần Thanh Mẫn nao hlăm knăm anei. Tŭ mă mêđai Quang Hoa mơ̆ng knŭk kna Dhŭng Korea, Trần Văn Tuý mâo klei lač jăk kơ bruă kƀĭn ala leh anăn knŭk kna Dhŭng Korea čih yap leh dŭm klei gĭr ktưn mtrŭt mđĭ klei mjĕ giăm, bi hgŭm mơ̆ng 2 êpul khua êmua 2 ala čar, mbĭt anăn lač jăk kyua klei đăo knang, klei khăp, klei bi mguôp leh anăn boh tŭ dưnmơ̆ng êpul khua êmua bi hgŭm Dhŭng Korea – Việt Nam hŏng êpul khua êmua bi hgŭm Việt Nam – Dhŭng Korea.

Pô mblang: Y-Ƀel Êban