Hlăm klei bi trông hŏng khua gĭt gai Êpul gơ̆ng đrŭ kčĕ bruă duh mkra Jared Bernstein, k’iăng Khua knŭk kna Lê Minh Khái lač, leh mđĭ hnơ̆ng klei mjĕ giăm Bĭng hgŭm bi mguôp hdră êlan kluôm dhuôm ti mlan 9/2023, dua ala čar srăng mâo lu wăl leh anăn boh kdrŭt mrâo bi mguôp hlăm lu mta bruă.

K’iăng Khua knŭk kna lač klei bi mguôp bruă duh mkra- mnia mbleimâo boh tŭ dưn hdră êlan leh anăn ba wĭt klei tŭ dưn kơ bruă duh mkra, lŏ dơ̆ng jing mta kñăm leh anăn boh kdrŭt mtrŭt mđĭ klei mjĕ giăm dua ala čar, mñă kơ dua ala čar lŏ dơ̆ng bi klă leh anăn hluê ngă tŭ dưn dŭm mta hlăm klei mjĕ giăm ƀĭng hgŭm bi mguôp hdră êlan. Bernstein bi êdah klei ư ai kơ klei mđĭ kyar klei mjĕ giăm mơ̆ng Việt Nam – Mi, boh nik hlăm bruă duh mkra – mnia mblei, mñă klă Mi srăng lŏ dơ̆ng mkŏ mjing klei găl čiăng mđĭ hĭn klei bi mguôp plah wah dua tĭng hlăm wưng kơ anăp.