K’iăng khua knŭk kna Lê Minh Khái bi tuôm hŏng Khua knŭk kna Japon Kishida Fumio
Thứ bảy, 09:35, 25/05/2024
VOV Tây Nguyên
VOV Tây Nguyên
VOV4.Êđê - Hlăm hdră nao čhưn, mă bruă ti Japon lehanăn nao ti Klei bi kƀĭn kơ Êdei anăp Asi tal 29, K’iăng khua knŭk kna Lê Minh Khái bi tuôm leh hŏng Khua knŭk kna Japon Kishida Fumio.
K’iăng khua knŭk kna mñă klă, Việt Nam dlăng Japon jing ƀĭng hgŭm yuôm bhăn mrô sa lehanăn sui thŭn, čang hmăng dua tĭng lŏ dơ̆ng bi hgŭm kjăp, hrăm mbĭt hŏng Việt Nam mtrŭt mđĭ bruă pŏk ngă klă klơ̆ng lehanăn tŭ dưn klei bi mjĕ Ƀĭng hgŭm phŭn kluôm dhuôm mrâo dưi mkŏ mjing plah wah dua ala čar.
K’iăng khua knŭk kna brei Japon ksiêm dlăng hdră mkăp kơ Việt Nam ênoh čan ODA mrâo hŏng klei găl ênưih hĭn, čiăng hluê ngă hdră mđĭ kyar dŭm anôk bruă phŭn hŏng hnơ̆ng prŏng mơ̆ng Việt Nam; mtrŭt mđĭ hdră mkăp ODA kơ bruă bi mlih mrô, bi mlih mtah, hdră êlan treng ti ƀuôn prŏng Hà Nội, Hồ Chí Minh.
Viết bình luận