Kkuh drông Charles R. Kaye, Khua Anôk bruă Warburg Pincus, sa hlăm dŭm Keh duh bi liê mrô sa mơ̆ng Mi hriê čhưn lehanăn mă bruă ti Việt Nam, K’iăng khua knŭk kna Lê Minh Khái lač klă, Việt Nam dlăng Mi jing sa ƀĭng hgŭm bruă mrô sa. Bi mni Anôk bruă Warburg Pincus bi hgŭm ba wĭt lu klei tŭ jing hŏng dŭm anôk bruă duh mkra prŏng, mâo k’hưm mơ̆ng Việt Nam, K’iăng khua knŭk kna čang hmăng Warburg Pincus lŏ dơ̆ng ksiêm dlăng, pŏk mlar klei bi hgŭm hŏng anôk bruă duh mkra Việt Nam, duh bi liê tŭ jing hlăm dŭm hdră bruă mrâo.

Mtă kơ Warburg Pincus hŏng ênoh mnuih thâo lu hlăm tar rŏng lăn srăng mjing kdrông mkŏ ba phung duh bi liê mơ̆ng Mi lehanăn ala tač êngao hriê duh ti Việt Nam. Klei tĭng pŏk mlar hdră duh bi liê kơ Viẹet Nam mơ̆ng Keh hlăm wưng ti anăp, Charles R. Kaye brei thâo, ară anei mâo lu anôk bruă duh mkra prŏng ti Mi bi êdah klei mđing kơ hdră duh bi liê ti Việt Nam mbĭt anăn hưn mdah leh dŭm klei akâo čiăng hŏng phung khua kiă kriê ala čar Việt Nam.