K’iăng Khua knŭk kna yap yuôm bhăn klei mjĕ giăm bruă duh mkra – mnia mblei plah wah Việt Nam – Mi dưi rơ̆ng kơ klei đĭ kyar jăk leh dua tĭng mđĭ hnơ̆ng klei bi hgŭm kluôm dhuôm. Hnơ̆ng klei mnia mblei dua tĭng hlăm 4 mlan akŏ thŭn 2024 mâo 38,6 êklai USD, hluê anăn Mi lŏ dơ̆ng jing anôk ba čhĭ mnơ̆ng dhơ̆ng lu hĭn mơ̆ng Việt Nam hlăm dŭm mlan akŏ thŭn 2024 anei.

K’iăng Khua knŭk kna mñă ktang: Klei mjĕ giăm mrâo pŏk leh wăl čiăng mđĭ hĭn klei bi mguôp hlăm dŭm mta bruă klei êđăp ênang hlăm êlan mạng leh anăn kdrăp mrâo, ba jao kdrăp mrâo kmeh gơ̆ng, bi kjăp klei mkăp mđĭ kyar mta bán dẫn leh anăn bruă tuh tia điện tử, mđĭ hĭn klei bi mguôp mgaih msir boh jhat mơ̆ng klei bi blah.