K’iăng khua knŭk kna čang hmăng kơ dua nah lŏ mâo klei bi mguôp kjăp hĭn, ngă bruă tŭ jing hĭn “Klei bi hgŭm mơ̆ng Việt Nam – Switz wưng thŭn 2021 – 2024”, hŏng bruă mđing tal êlâo jing ai dưi bi ktưn hlăm êpul phung duh mkra êngao knŭk kna, mđĭ kyar duh mkra hŏng klei thâo mĭn, mdrơ̆ng hŏng djăp mta klei lông dlăng mrâo hlăm klei mđĭ kyar, lehanăn bruă mdrơ̆ng hŏng klei bi mlih yan adiê.

Việt Nam čang hmăng kơ Switz đru lu hĭn hlăm bruă mđĭ kyar ênuk mrâo, čiăng dưi mâo klei thâo bi ktưn, bi hgŭm hlăm klei duh mkra... čang hmăng kơ Switz đru kơ Việt Nam hdră êlan mjuăt bi hriăm. Khua knơ̆ng kiă kriê bruă duh mkra, bruă mjuăt bi hriăm lehanăn ksiêm duah Switz Dominique Paravicini mâo klei đăo knang hlăm wưng tinăp, phung duh mkra Switz srăng duh mjkra lu hĭn ti Việt Nam, lehanăn čang hmăng kơ Switz dưi jing anôk blei lu mta mnơ̆ng mơ̆ng Việt Nam./.