VOV4.Êđê - Tlam hruê 28/7, ti Anôk bruă knŭk kna, K’iăng khua knŭk kna Lê Minh Khái gĭt gai leh Klei bi kƀĭn tal 1 Anôk gĭt gai Hdră krŭ wĭt – mđĭ kyar bruă duh mkra ala ƀuôn. Hluê klei hưn mơ̆ng Phŭn bruă Hdră kčah – Duh bi liê, leh 6 mlan hluê ngă Hdră mtrŭn 11 mơ̆ng Knŭk kna, dŭm êpul êya bi leh lu bruă djŏ hdră kčah. Kơ boh tŭ bruă mkăp prăk, dŭm hdră bruă mâo mkăp leh 48 êbâo êklai prăk. Mñă dŭm hdră đru hlăm Bruă lŏ krŭ wĭt – mđĭ kyar hdră duh mkra – ala ƀuôn dưi pŏk ngă kjăp, dŭm hdră mtrŭn mâo klei bi mlih jăk. Khă snăn, klei blŭ hlăm bruă čih mkra hră m’ar ktrâo lač dôk êmưt, ka rơ̆ng wưng kčah mâo ba mdah ti Hdră mtrŭn 11/NQ-CP. Mtă hlăm wưng ti anăp, brei mtrŭt mđĭ hdră ngă bruă, pral msir mghaih klei dleh dlan, gun kpăk kñăm mđĭ lar boh tŭ hdră mă bruă…/.

H’Nêč pô mblang