VOV4.Êđê -  Tlam mbrue (8/7), ti anôk bruă knŭk kna, K’iăng khua knŭk kna lê Minh Khái kiă kriê leh klei Êpul khua kiă kriê ksiêm wĭt bruă knŭk kna kiă kriê, ksiêm wĭt bruă hlăm 6 mlan akŏ thŭn, tă hdră mă bruă hlăm 6 mlan knhal jih thŭn. Ksiêm wĭt klei bi kƀĭn, K’iăng khua knŭk kna Lê Minh Khái lač, bruă kiă kriê klei kơ ênoh ênil mơ̆ng ară anei truh kơ jih thŭn, lŏ dơ̆ng ngă djăp bruă hŏng klei răng, mbruă, lehanăn dưi mkhư̆ klei prăk luič ênoh ti hnơ̆ng kah knar hlăm thŭn anei, djŏ hŏng mta knŭk kna čoh čuăn, lehanăn klei bruă kƀĭn ala jao, mơ̆ng anăn mjing atur kơ bruă dưi kiă kriê hlăm thŭn kơ anăp. K’iăng khua knŭk kna mtă, dŭm phŭn dhar bruă, alŭ wăl bi mđing nanao hŏng klei ênoh ênil dlông rŏng lăn, boh nik êa săng êa pui, mđing ksiêm duah djăp hdră ngă hŏng klei djŏ guôp./.

Y-Khem pô mblang