Tui si klei hâo mdah jih jang ênoh ngăn prăk mơ̆ng 5 alŭ wăl anei truh jih mlan 3/2023 jing êbeh 2.553 êklai prăk, truh 2,74% hdră kčah, jing ƀiă hĭn mkă hŏng ênoh kah knar hlăm kluôm ala. Hjăn ƀuôn prŏng Hồ Chí Minh bi liê êmưt hĭn knơ̆ng djăp 0,89%.

Blŭ hrăm ti anôk bi kƀĭn kơ angĭn khua knŭk kna Lê Minh Khái lač: Klei êmưt ngă bruă, dôk ksŭn lu ngăn prăk, nga hmăi amâo mâo jăk kơ klei mđĭ kyar lehanăn hrui wĭt ngăn prăk kơ bruă duh mkra, bi êdah hĕ jih klei đua klam bruă ngă êmưt klei duh bi liê, K’iăng khua knŭk kna mtă dŭm phŭn dhar bruă lehanăn dŭm alŭ wăl lŏ ngă bruă bi kjăp hĭn, mđrăm mbĭt bi ruh mgaih jih klei dleh dlan hlăm bruă knuă./.