VOV4.Êđê - K’iăng khua knŭk kna Lê Minh Khái nao čhưn leh ti Anôk bruă mơ̆ng êpul bruă mnia mblei tar rŏng lăn (WTO) ti Geneva lehanăn mă bruă hŏng K’iăng khua knơ̆ng bruă WTO Trương Hướng Thần. Ti knăm anei, K’iăng khua knŭk kna Lê Minh Khái mñă klă Việt Nam dlăng yuôm bruă klam phŭn mơ̆ng WTO hlăm hdră mtrŭt mđĭ bruă mnia mblei lu tĭng pŏk mlar, klă mngač, hluê djŏ hdră bhiăn, lăm lui dŭm klei gun kpăk bruă jia, bi kdơ̆ng hŏng hdră êlan răng mgang bruă mnia mblei, čang hmăng WTO lŏ mđĭ lar bruă klam kriê dlăng hdră mnia mblei tar rŏng lăn hluê hdră kluôm dhuôm, bi knar, đru lŏ kơrŭ wĭt lehanăn đĭ kyar bruă duh mkra. Hlăk hdră bruă kđi čar lehanăn bruă duh mkra tar rŏng lăn dôk mâo dleh dưi ksiêm dlăng, Trương Hướng Thần čang hmăng Việt Nam lŏ đru mguôp klei blŭ ti Klei bi kƀĭn phung khua phŭn bruă WTO tal 12 hlăm mlan 6 kơ anăp kñăm dưi mâo klei tŭ dưn, boh nik đru kơ bruă rông mnơ̆ng hlăm êa lehanăn bruă lŏ hma, mơ̆ng anăn đru mtrŭt mđĭ bruă mnia mblei tar rŏng lăn./.

H’ Nêč pô mblang