VOV4.Êđê- Lŏ dơ̆ng dŭm mta bruă hlăm klei kƀĭn grăp tuôr tal 52 klei kƀĭn bruă duh mkra dlông rŏng lăn WEF ti Davos, Switz, mơ̆ng hruê 23 – 24/5/2022, K’iăng Khua knŭk kna Lê Minh Khái nao hgŭm leh anăn blŭ hlăm dŭm klei kƀĭn kơ “Sa ASEAN mrô kơ jing jang mnuih ƀuôn sang” leh anăn klei blŭ hrăm plah wah phung khua gĭt gai kơ bruă mkŏ mjing bruă duh mkra kjăp klei klei đĭ kyar kjăp, bi tuôm hŏng Khua lăn čar Litva leh anăn khua kiă kriê êpul bi mguôp leh anăn mđĭ kyar bruă duh mkra. Blŭ hlăm dŭm klei kƀĭn kơ “sa ASEAN mrô kơ jih jang mnuih ƀuôn sang”, K’iăng Khua knŭk kna Lê Minh Khái kah mbha lu kơ klei mĭn leh anăn hdră tă đĭ kyar mơ̆ng Việt Nam, hlăm anăn mâo klei đĭ kyar hmar leh anăn kjăp hluê si tur knơ̆ng klei kreh knhâo – mrâo mrang, mlih mrâo klei ngă bruă leh anăn mlih mrô.