VOV4.Êđê -  K’iăng khua knŭk kna Lê Minh Khái (Khua êpul mrô 2 mơ̆ng Khua knŭk kna kơ hdră mtrŭt bruă mkăp prăk duh kơ bruă knŭk kna) gĭt gai Klei bi kƀĭn kñăm mtrŭt mđĭ, ruh mtlaih klei dleh dlan, gun kpăk hlăm bruă mkăp prăk duh kơ bruă knŭk kna thŭn 2022 hŏng 8 Phŭn, dhar bruă gưl dlông lehanăn 4 alŭ wăl. Hluê Phŭn bruă Hdră kčah – duh bi liê, hdră kčah mkăp prăk duh kơ bruă knŭk kna thŭn 2022 kơ dŭm alŭ wăl (hlăm êpul 2) êbeh 24.700 êklai prăk. Jih mlan 7, đăo tĭng ênoh mkăp kơ êpul anei giăm 7.400 êklai prăk, mâo 30%. Hluê si K’iăng khua knŭk kna, bruă mkăp dôk hluê ngă prăk êmưt. Ñu mtă kơ dŭm alŭ wăl mtrŭt mđĭ pral hdră mkăp prăk. K’iăng khua knŭk kna ăt mtă kơ khua kiă kriê dŭm phŭn, dhar bruă, alŭ wăl mđing gĭt gai, ruh mtlaih klei gun kpăk, dleh dlan, mtrŭt mđĭ hdră bruă anei./.

H’ Nêč pô mblang