Ti să Si Pa Phìn, kdriêk Nậm Pồ leh anăn wăl krah Mường Chà, kdriêk Mường Chà, K’iăng Khua knŭk kna Lê Minh Khái hŏng êpul mă bruă Knŭk kna mđup brei 240 hnư mnơ̆ng Tết, hŏng ênoh giăm 300 êklăk prăk kơ dŭm gŏ êsei ƀun, gŏ sang knŭk kna dlăng ba, knuă druh, phung mă bruă mâo klei hdĭp dleh dlan. K’iăng Khua knŭk kna ăt dưm pŏk mdhă sang Bi hgŭm kơ gŏ sang Giàng A Lồng, ti ƀuôn Chế Nhù, să Si Pa Phìn, kdriêk Nậm Pồ leh anăn Lý A Nỏ, ƀuôn Huổi Chim, să Ma Thì Hồ, kdriêk Mường Chà.

 Anei jintg gŏ êsei ƀun ti čar Điện Biên, dưi đru 50 êklăk prăk čiăng mkra sang hlue si Hdră bruă 09 mơ̆ng Knơ̆ng bruă mặt trận Việt Nam kơ bruă iêô mkrum đru mkra sang bi hgŭm kơ gŏ êsei ƀun čar Điện Biên mđing kơ klei bi hdơr 70 thŭn mblah dưi Điện Biên Phủ./.