Nao ti anôk bi kƀĭn anei mâo k’iăng khua knŭk kna Lê Minh Khái, mbĭt hŏng dŭm phŭn dhar bruă gưl dlông lehanăn alŭ wăl, mbĭt hŏng lu phung duh bi liê, phung duh mkra hlăm ala čar lehanăn mơ̆ng ala tač êngao. Blŭ hrăm ti anôk bi kƀĭn k’iăng khua knŭk kna Lê Minh Khái mtă, čar Quảng Bình brei mâo klei mđĭ kyar kơ 4 mta bruă knơ̆ng, 3 anôk phŭn kơ bruă rŭ mjing ƀuôn prŏng, 3 bĭt kơ bruă duh mkra, dua anôk phŭn mtrŭt mđĭ bruă duh mkra, lehanăn 3 anôk tă êlan kơ klei mđĭ kyar.

Jih jang bi mâo klei kiă kriê kjăp, ksiêm dlăng klei hlue ngă bruă čuăl mkă, ksiêm wĭt hlăm grăp wưng, pral thâo ƀuh lehanăn ruh mgaih jih ya mta klei adôk ka djŏ, klei gun kpăk hlăm bruă čuăl mkă. Lŏ dơ̆ng bi kjăp bruă sang čư̆ êa hŏng klei khuăt, ngă bruă bi mâo klei tŭ dưn, kyua mnuih ƀuôn sang, giăm mnuih ƀuôn sang, mpŭ kơ mnuih ƀuôn sang. Iêo jak jih ai ktang čiăng kơ Quảng Bình lehanăn dŭm čar dưr kwar krah mâo klei đĭ kyar pral./.