VOV4.Êđê- Blŭ hrăm ti anôk bi kƀĭn grăp tuôr tal 52 klei trông čhai kơ bruă duh mkra tar rŏng lăn mkŏ mjing ti Davos ala čar Switzer, k’iăng khua knŭk kna Lê Minh Khái mñă klei hmăi amâo mâo jăk mơ̆ng klei ruă tưp Covid 19 lehanăn klei rŭng răng bruă kđi čar hlăk hmăi prŏng kơ hnơ̆ng mkăp mnơ̆ng dhơ̆ng, lehanăn klei bi mnia mblei hlăm tar rŏng lăn.

K'iăng khua knŭk kna mâo bi êdah leh 5 mta klei akâo yuôm bhăn hŏng bruă lŏ hyuă kjăp hĭn klei bi mguôp lu tĭng, mđĭ hĭn bruă klam mghaih msir djăp mta bruă kƀah mnơ̆ng ƀơ̆ng huă hlăm tar rŏng lăn, hlăm anăn dôk mka tĭng bi mâo djăp mnơ̆ng ƀơ̆ng kơ tar rŏng lăn, lăm lui jih ya mta klei bi gun kpăk kơ bruă bi mnia mblei mnơ̆ng ƀơ̆ng huă, bi đru ngăn prăk kơ dŭm ala čar hlăk đĭ kyar, mtrŭt bruă bi hgŭm 3 tĭng mâo Việt Nam dôk ngă hŏng klei tŭ jing hŏng dŭm ala čar Afrĭk, Amrĭk Latino, mlih mrâo klei mĭn, mjing ai mtrŭt mrâo pioh mđĭ kyar bruă lŏ hma lehanăn pla mjing mnơ̆ng ƀơ̆ng huă, boh nik mđĭ kyar bruă lŏ hma hlue hŏng ênuk mrâo mrang./.

Pô mblang: Y-Khem Niê