VOV4.Êđê- Aguah hruê 12/1, ti Hà Nội, Anôk bruă ksiêm dlăng knŭk kna mkŏ mjing leh Klei bi kƀĭn ksiêm wĭt hdră mă bruă thŭn 2021 lehanăn pŏk ngă bruă hlăm thŭn 2022. Khua hlăm Anôk kriê dlăng bruă Đảng gưl dlông, K’iăng khua knŭk kna Lê Minh Khái lehanăn Khua knơ̆ng Anôk bruă ksiêm dlăng knŭk kna Đoàn Hồng Phong hrăm mbĭt gĭt gai klei bi kƀĭn hluê êlan online ti dŭm anôk mkŏ hlăm kluôm ala. Blŭ hrăm ti anôk bi kƀĭn, K’iăng khua knŭk kna Lê Minh Khái mtă, hlăm wưng ti anăp, anôk bruă ksiêm dlăng brei hluê ngă kjăp klei gĭt gai mơ̆ng Anôk bruă gưl dlông kơ hdră gang mkhư̆ klei ƀơ̆ng ngăn, tă hdră mă bruă hlăm thŭn 2022 mâo leh Khua knŭk kna bi mklă pŏk ngă.

Êlâo hĭn, brei hluê ngă tŭ jing hdră kčah lehanăn hdră êlan mă bruă mơ̆ng Anôk bruă ksiêm dlăng thŭn 2022. Anôk bruă brei ruah dŭm mta phŭn, bruă mă mâo lu klei mđing dlăng čiăng pŏk hluê ngă, mơ̆ng anăn mâo hdră ƀư̆ mkra tơdah hmao ƀuh dŭm klei soh čhuai brei pral mâo hdră msir mghaih djŏ si klei kčah mtrŭn mơ̆ng hdră bhiăn./.

                                                    Pô mblang: H’Nêč Êñuôl