Hlăm jih alŭ wăl anei ti să Lợi Hải mâo jih jang truh 2.080 gŏ êsei, hlăm anăn mnuih djuê ana Raglai êbeh 82%.  Dŭm thŭn leh êgao kyua ngă jăk bruă bi mlih mnơ̆ng pla, mnơ̆ng rông, jih jang hdră bi hrŏ ƀun, mnuih ƀuôn sang mâo duh ƀơ̆ng tŭ dưn. Mbĭt hŏng anăn, mâo knŭk kna mđing dưi duh bi liê leh dŭm êtuh êklai prăk mkra jih jang bruă pui kmlă, êlan klông, sang êa drao, êa yua pioh kơ mnuih ƀuôn sang hdĭp mda.

Blŭ hrăm ti anôk bi kƀĭn, k’iăng khua knŭk kna Lê Minh Khái lač, knăm mơak anei jing wưng čiăng kơ dŭm gưl bruă Đảng, bruă sang čư̆ êa bi tuôm, lehanăn mđing hmư̆ klei blŭ lehanăn klei mĭn mnuih ƀuôn sang, mđrăm mbĭt trông čhai mbĭt hŏng mnuih ƀuôn sang ngă tŭ jing hĭn jih jang bruă kđi car, mđĭ kyar klei hdĭp mda ala ƀuôn, răng mgang klei êđăp ênang, mơ̆ng anăn mâo klei sa ai hĭn hlăm yang ƀuôn, bi kjăp jih jang klei bi mguôp djăp djuê ana./.