VOV4.Êđê- Hlue si asăp jao iêo mơ̆ng K’iăng khua knŭk kna Lê Văn Thành, k’iăng khua gĭt gai dhar bruă kiă kriê EU Fran Timmermans hrie leh truh kơ Việt Nam mơ̆ng hrue 17 – 19/2/2022. Aguah hrue mbrue (18/2), ti anôk bi blŭ hrăm, dua nah bi êdah klei mơak ƀuh hlăm wưng leh êgao, khădah hmăi amâo mâo jăk mơ̆ng klei ruă tưp Covid 19, klei bi mguôp Việt Nam hŏng EU lŏ mâo klei đĭ kyar jăk hĭn.

EU ară anei jing pô hgŭm yuôm bhăn hŏng Việt Nam, jing pô đru lu ngăn prăk, lehanăn jing anôk bi mnia mblei tal 3, lehanăn blei lu mnơ̆ng dôk tal 5, lehanăn duh bi liê kơ Việt Nam dôk tal 6. Klei bi mnia mblei dua nah Việt Nam – EU ăt mâo leh klei tŭ dưn jăk, truh 57 êklai dolar leh 18 mlan hlue ngă klei mnia mblei êngiê EVFTA. Dua nah bi tŭ ư lŏ mđĭ hĭn klei bi mguôp wăt hlăm bruă kđĭ čar, bruă mjĕ mgiăm, duh mkra mnia mblei, hgŭm mđĭ kyar, bruă lŏ hma, bruă pui kmlă, lehanăn bruă răng mgang klei êđăp ênang./.

Pô mblang: Y-Khem Niê