VOV4.Êđê - K’iăng khua knŭk kna Lê Văn Thành mrâo kiă kriê leh klei bi kƀĭn hŏng 15 boh čar, ƀuôn prŏng mâo klei čiăng lŏ mkra mđĭ, pŏk phai lehanăn rŭ mkra tač êdeh phiơr. Klah čŭn klei bi kƀĭn, k’iăng khua knŭk kna Lê Văn Thành lač, bruă duh bi liê rŭ mkra tač êdeh phiơr srăng mjing boh kdrŭt prŏng mđĭ klei duh mkra hlăm alŭ wăl, lehanăn lăn čar.

Hlue anăn, K’iăng khua knŭk kna lač, wưng leh êgao, knŭk kna mâo mbha leh gưl, jao klei dưi kơ dŭm alŭ wăl kñăm duh mĭn pral hĭn hlăm klei duh bi liê rŭ mkra tač êdeh phiơr, lehanăn dơ̆ng mâo leh klei tŭ dưn tal êlâo. Siămdah, jih jang klei ngă hră mơar adôk mđĭ mđăl, mtŭk mtŭl. Mâo đa đa phŭn dhar bruă, alŭ wăl ka mâo ôh klei čŏng ngă jăk. K’iăng khua knŭk kna jao kơ phŭn bruă lŏ hma lŏ hgŭm hŏng 15 boh čar, ƀuôn prŏng mâo klei čiăng mkra mđĭ pŏk phai rŭ mkra tač êdeh phiơr bi ksiêm dlăng hdră êlan čuăl mkă, rơ̆ng dưi ngă djŏ hŏng klei bhiăn knŭk kna./.

Y-Khem pô mblang