VOV4.Êđê- Aguah 23/5, hlăm hdră mphŭn pŏk klei bi kƀĭn tal 3 Bruă kƀĭn ala gưl XV, mâo klei dưi mơ̆ng  Khua knŭk kna, K’iăng Khua knŭk kna Lê Văn Thành hưn mdah Klei ksiêm dlăng mbŏ klei tŭ hlue ngă hdră mđĭ kyar bruă duh mkra ala ƀuôn leh anăn prăk knŭk kna thŭn 2021, boh klei hlue ngă hdră mđĭ kyar bruă duh mkra- ala ƀuôn leh anăn prăk knŭk kna dŭm mlan akŏ thŭn 2022. Hlăm bruă klam wưng kơ anăp, Knŭk kna kƀĭn hlăm 12 êpul mblang phŭn, hlăm anăn boh nik mđing ksiêm dlăng klei ruă Covid-19 leh anăn kơrŭ wĭt pral, mđĭ kyar bruă duh  mkra ala ƀuôn hơĭt kjăp. Mjêč pŏk ngă dŭm Hdră mtrŭn mơ̆ng Klei bi kƀĭn gưl dlông tal 5 gưl 13, boh nik bruă kơ lăn ala, bruă duh mkra êpul lu, bi hgŭm bruă, bruă lŏ hma, ƀĭng ngă lŏ hma leh anăn krĭng ƀuôn sang; mjêč bi leh, hưn mdah hŏng Bruă kƀĭn ala ksiêm dlăng mkra mlih Hdră bhiăn lăn ala thŭn 2013./.

                                               Pô mblang: H’Zawut Ƀuôn Yă