VOV4.Êđê- Kyua hmăi amâo mâo jăk mơ̆ng angĭn êbŭ mrô 4, mơ̆ng mlan hrue 27/9 truh hrue 28/9, alŭ wăl mơ̆ng Quảng trị, Thừa Thiên Huế, Đà Nẵng, Quảng Nam, Quảng Ngãi, Kontum mâo hjan prŏng mơ̆ng 250 – 350 mm, mâo anôk êbeh 450mm. Ti Quảng Bình, Bình Định, Gialai mâo hjan mơ̆ng 100 –200mm mâo anôk êbeh 300mm. Truh aguah 28/9, angĭn êbŭ kma hlăm lăn hang ba angĭn ktang hlăm dŭm alŭ wăl Quảng Trị, Đà Nẵng, Quảng Nam, Quảng Ngãi, Bình Định, Phú Yên, Kontum lehanăn Gialai, leh kơanăn angĭn êbŭ kma truh kơ dhŭng ala čar Lao lehanăn jing klei hlĭm hjan kơ anăn.

Ti anôk bi kƀĭn bruă mdrơ̆ng hŏng angĭn êbŭ, k'iăng khua knŭk kna Lê Văn Thành mtă, anei jing angĭn êbŭ ktang hŏng hjan lu. kyuanăn mđing jih hnơ̆ng, lehanăn iêo jak jih êpul bruă kđi čar duah djăp hdră răng mgang klei hdĭp lehanăn ngăn drăp phung ƀuôn sang, amâo mâo lui klei amâo mâo jăk truh hŏng ngăn dŏ lehanăn asei mlei phung ƀuôn sang ôh./.

Pô mblang: Y-Khem Niê