VOV4.Êđê - Hrue mbrue (26/4), ti anôk bruă knŭk kna, k’iăng khua knŭk kna Lê Văn Thành kiă kriê klei bi kƀĭn Êpul Gơ̆ng Bi mklă bruă čuăl mkă mđĭ kyar pui kmlă ala čar wưng thŭn 2021 – 2030, tă hdră truh kơ thŭn 2045 (lŏ pia jing klei čuăl mkă 8). Jih jang klei blŭ ti anôk bi kƀĭn bi êdah klei sa ai prŏng hŏng djăp ênoh čuăn klei čuăl mkă pui kmlă 8, boh nik mkŏ wĭt anôk mkăp pui kmlă, bi mlih yua pui kmlă truh kơ grăp krĭng kwar mdê mdê. Klah čŭn klei bi kƀĭn, k’iăng khua knŭk kna Lê Văn Thành bi myuôm klei čuăl mkă mdưm kơ klei tŭ dưn mbĭt jing tal êlâo hĭn, bi mkiêt mkriêm truh dŭm pluh êklai dolar hlăm bruă bi hrŏ klei duh bi liê kơ êlan klei pui kmlă, bi hrŏ ênoh dŭ mdiăng, lehanăn srăng bi hrŏ mơh kơ ênoh ênil pui kmlă. Hŏng lu pŏk hră tŭ ư, Êpul Gơ̆ng bruă bi mklă mâo čuăn ruah leh hdră êlan čuăl mkă mđĭ kyar pui kmlă ala čar wưng thŭn 2021 – 2030, lehanăn tă hdră truh kơ thŭn 2045./.

   Y-Khem pô mblang