VOV4.Êđê- K’iăng khua knŭk kna Lê Văn Thành lehanăn Êpul mă bruă nao ksiêm dlăng leh Hdră čuăl mkă tač êdeh phiơr prŏng Nội Bài wưng thŭn 2021 – 2023, hnơ̆ng trah dlăng 2050. Dŭm klei blŭ ti knăm anei tŭ ư hŏng hdră čuăl mkă, hlăm anăn mâo pŏk mlar tač êdeh phiơr anei mkăp kơ 100 êklăk čô tuê/thŭn jing čiăng êdi.

Klah čŭn ti knăm anei, K’iăng khua knŭk kna lač, hŏng hnơ̆ng lŏ krŭ wĭt, đĭ kyar mơ̆ng anôk bruă êlan phiơr, tač êdeh phiơr prŏng Nội Bài mâo 50 êklăk čô tuê/thŭn ti thŭn 2030 srăng dưi hluê ngă. K’iăng khua knŭk kna mñă, brei pral bi leh hdră čuăl mkă, pral čih mkra hdră mtrŭn duh bi liê, hnưm hưn mthâo hŏng anôk bruă mâo klei dưi. K’iăng khua knŭk kna mtă kơ dŭm phŭn, dhar bruă mjêč ngă leh bruă mâo kčah jao, pral rŭ mkra êlan phiơr lehanăn sang tuê dôk guôn hlăm thŭn 2024-2025./.

                                                    Pô mblang: H’Nêč Êñuôl