VOV4.Êđê- Aguah mbrue, ti Thái Bình, k’iăng khua knŭk kna Lê Văn Thành djă akŏ êpul ngă bruă mơ̆ng knŭk kna nao ksiêm dlăng bruă mkra mjing phŭn pui kmlă bi êrahn hŏng hdăng boh tâo Thái Bình 2, lông bi êran leh êpul môtơr mrô 1, lehanăn mă bruă hŏng phung khua kiă kriê Êpul grŭp êa pui êwa čuh Việt Nam PVN jing pô duh bi liê. K’iăng khua knŭk kna mñă 2 mta bruă kruak knăl yuôm bhăn čiăng dưi mkŏ pui kmlă mơ̆ng môtơr mrô 1 hlăm hrue 30/4/2022, lehanăn bi êran môtơr mrô 1 hlăm hrue 16/6/2022. Truh kơ ară anei bruă knuă mâo ngă leh giăm 88%, lông bi êran mâo giăm 26%. Boh nik, phung duh bi liê ngă leh bruă lông bi êran halwm jih wưng tết, lehanăn êdei kơ tết. Kyuanăn, bruă knuă djăp leh ênoh čuăn kčah “Kuič pui hŏng êa pui hlăm hrue 23/2 kơ êpul môtơr mrô 1. Anei jing wưng yuôm bhăn anăp dưi bi êran pui jih jang hlăm hrue 19/5 lehanăn bi êran hŏng hdăng hlăm hrue 16/6/2022./.

Pô mblang: Y-Khem Niê