Knăm mphŭn rŭ mdơ̆ng mâo mkŏ mjing ti alŭ Lâm Tuyền 2, ƀuôn hgŭm D’ran, sa hlăm dŭm alŭ wăl tuôm hŏng klei jhat rai prŏng hĭn hlăm gưl hlĭm hjan mlan 10 lehanăn 11 leh êgao. Ti knăm anei, K’iăng khua knŭk kna   Mai Văn Chính mbĭt hŏng phung khua kiă kriê dŭm phŭn dhar bruă gưl dlông lehanăn čar Lâm Đồng ngă djăp hdră čiăng rŭ mdơ̆ng sang pưk kơ kơ mnuih ƀuôn sang, mâo 4 gŏ sang hlăm ƀuôn hgŭm D’ran.

Mbĭt hŏng anăn k’iăng khua knŭk kna Mai Văn Chính mđup brei 10 hnư mnơ̆ng kơ dŭm gŏ sang mnuih ƀuôn sang tuôm hŏng klei luič liê prŏng mơ̆ng klei êa lip lêč, mđĭ ai mnuih ƀuôn sang gĭr hgao klei dleh dlan, kơrŭ wĭt bruă duh mkra./.