Hŏng boh prŏng giăm 11 ha, sang hră Hoàng Việt dưi mprăp kdrăp mnơ̆ng mrâo mrang, êbeh 400 čô knuă druh, nai mtô leh anăn phung mă bruă hlăm sang hră mtô bi hriăm, kriê dlăng hlăm brô 3.400 čô hđeh sang hră mơ̆ng gưl sa truh gưl 3 mơ̆ng êbeh 20 čar, ƀuôn prŏng hlăm kluôm ala. Blŭ hrăm hlăm mmông mă bruă, K’iăng Khua knŭk kna bi mni kơ hnơ̆ng trah dlăng mơ̆ng čar Dak Lak hlăm klei hlue ngă hdră êlan mơ̆ng Đảng, Knŭk kna kơ klei bi liê kơ bruă sang hră, čang hmăng khua gĭt gai čar, bruă sang hră ăt msĕ hŏng phung nai leh anăn sang hră Hoàng Việt lŏ dơ̆ng mđĭ lar boh tŭ mâo leh, amâo mdei mđĭ hnơ̆ng jăk mtô bi hriăm kơ hđeh sang hră.

Gưl anei,  K’iăng Khua Knŭk kna Nguyễn Hòa Bình mđup brei mnơ̆ng bi hdơr leh anăn mnơ̆ng mơak knăm mlan pur kơ hđeh sang hră Hoàng Việt. Êlâo anăn, mmăt 14/9, K’iăng Khua Knŭk kna Nguyễn Hòa Bình nao hlăm knăm mơak “Pui hruh kuč mngač klei čang hmăng” ti Dak Lak, mđup brei 1.700 hnư mnơ̆ng mâo hnư prăk hriăm hră, êdeh wai jơ̆ng leh anăn mnơ̆ng kơ hđeh mâo klei hdĭp dleh dlan.