Hlăm klei kƀĭn tal anei, čar Bến Tre iêo mthưr 32  hdră duh bi liê hlăm dŭm mta bruă: bruă tuh tia, mkŏ mkra leh anăn mnia mblei ti dŭm anôk, wăl anôk bruă tuh tia, êa pui, êwa čuh, bruă hiu čhưn ênguê, bruă lŏ hma – krĭng ƀuôn sang, wăl hdĭp mda, kdrŭn ksĭ, wăl krah, alŭ ƀuôn sang. Blŭ hrăm hlăm klei kbĭn, k’iăng Khua knŭk kna Nguyễn Hòa Bình bi myuôm dŭm klei gĭr mơ̆ng bruă Đảng, bruă sang čư̆ êa alŭ wăl hlăm bruă iêô jăk duh bi liê hlăm wưng êgao.

Hluê si Khua knŭk kna, hlăm wưng kơ anăp, Bến Tre čiăng nao klă hŏng dŭm hdră mtrŭn, hdră bhiăn mơ̆ng Đảng leh anăn knŭk kna, nao mbĭt hŏng bruă hluê ngă dŭm hdră mtrŭn mơ̆ng gưl dlông, bruă Đảng čar, mkŏ mjing ngă bruă čuăl mkă, rơ̆ng klei hrăm mbĭt, găl guôp hŏng hdră čuăl mkă ala čar, čuăl mkă krĭng, čuăl mkă bruă knuă. Tiŏ nao jih hnơ̆ng leh anăn ba yua tŭ dưn dŭm ai dưi čiăng duh bi liê, mđĭ kyar bruă duh mkra ala ƀuôn.