VOV4.Êđê-  Tlam hruê 23/8, ti Anôk bruă knŭk kna, Êpul hgŭm đru kčĕ ksiêm bi mklă hră m’ar akâo kơ Khua lăn čar phưi êngiê êlâo kơ wưng kčah hŏng phung mnă mâo djăp klei găl hlăm wưng 2/9/2022. Khua hlăm Phŭn bruă kđi čar, K’iăng khua knŭk kna Phạm Bình Minh, Khua êpul hgŭm đru kčĕ bruă anei thŭn 2022 gĭt gai leh klei bi kƀĭn. Čiăng kơ bruă anei rơ̆ng klei kpă mngač, Êpul hgŭm srăng ksiêm dlăng klă nik phung mnă dưi phưi êngiê djŏ Hdră bhiăn phưi êngiê mnă êlâo wưng kčah. Blŭ ti knăm anei, K’iăng khua knŭk kna brei thâo: Phưi mnă êlâo wưng kčah jing hdră mtrŭn jăk mơ̆ng Đảng, Knŭk kna; dŭm gưl dhar bruă brei mđing kơ klei ñŭ kma hŏng yang ƀuôn kơ êpul mnuih anei tơdah wĭt ti alŭ wăl. Mbĭt anăn, mđing mđĭ hdră mtô mblang đru kơ phung mnă lui klei hêñ nŭt./.

                                                    Pô mblang: H’Nêč Êñuôl