VOV4.Êđê- Hlăm klei bi kƀĭn gưl dlông Klei hdĭp kơ Asi mgi dih, tlam mbrue (25/5), ti anôk bruă bi ala knŭk kna Việt Nam ti ala čar Japon, k’iăng khua knŭk kna Phạm Bình Minh drông čhưn leh Khua kiă kriê čar Gunma, jing Yamamoto Ichita, Khua kiă kriê čar Kanagawa jing Kuroiwa Yuji, bi tuôm mơak hlak hŏng phung knuă druh mnuih ngă bruă anôk bruă bi ala knŭk kna Việt Nam ti Japon, Êpul phung hriăm lu Việt Nam ti Japon.

Ti anôk drông čhưn anăn, k’iăng khua knŭk kna čang hmăng kơ khua kiă kriê dua boh čar anăn mjing djăp klei găl kơ phung duh mkra duh bi liê ti Việt Nam, mđing kơ phung hđeh hriăm hră Việt Nam dôk hriăm lehanăn hdĭp mda hlăm čar, lehanăn mâo klei ƀuăn Việt Nam srăng mjing djăp klei găl kơ phung duh mkra mơ̆ng Kanagawa jing čar mâo klei ktang hlăm bruă mdrao mgŭn, kyuanăn, mđĭ klei bi mguôp hlăm bruă anei, boh nik mdrao mgŭn dŭm mta klei ruă dleh ktrŏ, jing klei Việt Nam dôk hmăng hmưi./.

Pô mblang: Y-Khem Niê