VOV4.Êđê- Ƀri gưl knăm mơak Phật đản Phật lịch 2566, thŭn 2022, hruê 11/5, Khua hlăm Phŭn bruă kđi čar, K’iăng Khua knŭk kna Phạm Bình Minh nao čhưn, hơêč hmưi Êpul hgŭm phung đaŏ yơng Việt Nam gưl dlông hŏng phung đaŏ yơng. Hoêč hmưi kơ Êpul hgŭm phung đaŏ yơng Việt Nam gưl dlông hŏng phung đaŏ yơng drông sa yan Phật đản êđăp ênang, K’iăng Khua knŭk kna Phạm Bình Minh mñă klă, knăm mơak Phật đản jing gưl phung tăng, ni, phung đaŏ yơng hŏng jih jang mnuih ƀuôn sang kluôm ala mđing truh kơ Đức Phật Thích ca mâu ni, ăt msĕ mơh klei blŭ phung đaŏ yơng djuê ana, anăn jing: “Thâo khăp, thâo pap, kpă ênuah, jăk mơak”. Mñă klă, 2022 jing thŭn yuôm bhăn hŏng đaŏ yơng Việt Nam hŏng bruă mkŏ mjing Klei bi kƀĭn phung đaŏ Yơng Việt Nam tal 9, K’iăng Khua knŭk kna đaŏ knang Êpul hgŭm đaŏ yơng Việt Nam srăng mkŏ mjing tŭ juing klei bi kƀĭn hŏng klei blŭ “ klei bhiăn klei đaŏ - djuê ana- yang ƀuôn ngă phŭn”./.

                                               Pô mblang: H’Zawut Ƀuôn Yă