VOV4.Êđê - Aguah hruê 1/8, K’iăng khua knŭk kna Phạm Bình Minh gĭt gai Klei bi kƀĭn Êpul mrô 1 mơ̆ng Khua knŭk kna, mtrŭt bruă mkăp prăk duh kơ bruă knŭk kna ti 7 Phŭn, anôk bruă gưl dlông lehanăn 4 alŭ wăl. Hluê klei hưn mơ̆ng Phŭn bruă Hdră kčah – Duh bi liê, Khua knŭk kna jao ênoh prăk duh êbeh 24 êbâo êklai prăk ƀiădah truh ară anei knŏng mkăp hlăm brô 15% hdră kčah.

Klah čŭn ti anôk bi kƀĭn, K’iăng khua knŭk kna Phạm Bình Minh mñă klei mdê hlăm bruă mkăp prăk tui hluê hŏng klei ngă bruă mơ̆ng grăp Phŭn, dhar bruă lehanăn alŭ wăl. Hŏng anôk bruă amâo dưi mkăp prăk, brei mâo klei ksiêm dlăng klă klơ̆ng, čiăng bi mlih hdră kčah mkăp prăk kơ dŭm Phŭn, dhar bruă, alŭ wăl mkăn. Brei mâo klei tĭng nik, mâo hdră bi hgŭm hŏng dŭm Phŭn, dhar bruă gưl dlông čiăng hnưm pŏk ngă hdră bruă./.

H’Nêč pô mblang