VOV4.Êđê- K’iăng khua knŭk kna Phạm Bình Minh tŭ ư leh brei phŭn bruă êlan klông dŭ mdiăng mkŏ mjing gưl phiơr nao drông mnuih Việt Nam ti Ukraine lehanăn găp djuê digơ̆ wĭt kơ lăn čar hlăm dŭm hrue 7 lehanăn 9/3/2022. K’iăng khua knŭk kna mtă kơ phŭn bruă êlan klông dŭ mdiăng pral ngă djăp mta hră mơar ba wĭt mtam phung ƀuôn sang pô. Msĕ si, hrue 7/3, êdeh phiơr mrô VN 88 mơ̆ng knơ̆ng bruă êdeh phiơr Vietnam Airlines nao mdiăng 283 čô mnuih kbiă mơ̆ng ala čar Rumani, trŭn ti tač êdeh phiơr Nội Bài hlăm yang hrue dơ̆ng hrue anei (8/3). Hrue 9/3, êdeh phiơr mrô QH 9066 mơ̆ng knơ̆ng bruă Bamboo Airways srăng mdiăng hlăm brô 270 čô mnuih mơ̆ng Warsaw ala čar Poland, trŭn ti tač êdeh phiơr Nội Bài aguah hrue 10/3./.

         Pô mblang: Y-Khem Niê